ಬೆಂಗಳೂರಿನ ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾನಿಲಯದಲ್ಲಿ ಪ್ರತಿಷ್ಠಿತ ಕೃಷಿ ಸಂಖ್ಯಾಶಾಸ್ತ್ರ ವಿಭಾಗವನ್ನು 4ನೇ ಜುಲೈ, 1966 ರಂದು ಶಾಸನಬದ್ದ ಕಾಯಿದೆ.ಸಂ.23/1963 ರ ಪ್ರಕಾರ ಸ್ಥಾಪಿಸಲಾಯಿತು. ಈ ವಿಭಾಗವು ಕೃಷಿ ಶಿಕ್ಷಣ ಮತ್ತು ಸಂಶೋಧನಾ ಕಾರ್ಯಕ್ರಮಗಳಿಗೆ ಅತ್ಯಂತ ಪರಿಣಾಮಕಾರಿಯಾದ ಸಂಖ್ಯಾತ್ಮಕ ವಿಶ್ಲೇಷಣೆ ಹಾಗೂ ವಿಶ್ಲೇಷಣಾತ್ಮಕ ತಂತ್ರಗಳನ್ನು ಒದಗಿಸುತ್ತ ತನ್ನದೆ ಆದ ಪ್ರಮುಖ ಪಾತ್ರವನ್ನು ನಿರ್ವಹಿಸುತ್ತಿದೆ. ಪ್ರಸ್ತುತ ವಿಭಾಗವು ವಿಶ್ವವಿದ್ಯಾನಿಲಯದ ಆವರಣಗಳಲ್ಲಿನ ವಿವಿಧ ಸ್ನಾತಕ ಪದವಿ ಕಾರ್ಯಕ್ರಮಗಳಾದ, ಬಿ.ಎಸ್‍ಸಿ. (ಆನರ್ಸ್.)ಕೃಷಿ, ಬಿ.ಎಸ್‍ಸಿ.(ಆನರ್ಸ್.)ಕೃಷಿ ವ್ಯವಹಾರ ನಿರ್ವಹಣೆ, ಬಿ.ಟೆಕ್.(ಜೈವಿಕ ತಂತ್ರಜ್ಞಾನ), ಬಿ.ಟೆಕ್. (ಆಹಾರ ತಂತ್ರಜ್ಞಾನ), ಬಿ.ಎಸ್ಸಿ. (ಆನರ್ಸ್) ರೇಷ್ಮೆ ಕೃಷಿ, ಬಿ.ಟೆಕ್. (ಕೃಷಿ ಇಂಜನಿಯರಿಂಗ್) ಹಾಗೆಯೆ ವಿಶ್ವವಿದ್ಯಾನಿಲಯದ ಆವರಣಗಳಲ್ಲಿನ ವಿವಿಧ 23 ವಿವಿಧ ಸ್ನಾತಕೋತ್ತರ ಪದವಿ ಕಾರ್ಯಕ್ರಮಗಳಿಗೆ ಸಂಖ್ಯಾಶಾಸ್ತ್ರ, ಗಣಿತ ಮತ್ತು ಗಣಕ ವಿಜ್ಞಾನಗಳ ಮೂಲಭೂತ ಮತ್ತು ಅನ್ವಯಿಕ ವಿಷಯಗಳ ಕೌಶಲ್ಯಪೂರ್ಣ ಶಿಕ್ಷಣವನ್ನು ನೀಡುತ್ತಿದೆ,

ವಿಭಾಗವು ಎರಡು ವರ್ಷಗಳ ಕೃಷಿ ಸಂಖ್ಯಾಶಾಸ್ತ್ರದ ಸ್ನಾತಕೋತ್ತರ ಪದವಿ ಕಾರ್ಯಕ್ರಮವನ್ನು 1975 ರಲ್ಲಿ ಆರಂಭಿಸಲಾಯಿತು. ವಿಭಾಗದ ವಿದ್ಯಾರ್ಥಿಗಳು ಕೇಂದ್ರ ಮತ್ತು ರಾಜ್ಯಗಳಲ್ಲಿನ ವಿವಿಧ ಸರ್ಕಾರಿ, ಬ್ಯಾಂಕಿಂಗ್, ಕಾರ್ಪೊರೇಟ್ ಕಂಪನಿಗಳು, ವ್ಯಾಪಾರ ಇತ್ಯಾದಿ ಕ್ಷೇತ್ರಗಳಲ್ಲಿ ಅತ್ಯುತ್ತಮ, ಹಾಗೂ ದಕ್ಷ ಕೆಲಸ ಮತ್ತು ಜವಾಬ್ದಾರಿಗಳ ಮೂಲಕ ವಿಭಾಗಕ್ಕೆ ಮತ್ತು ವಿಶ್ವವಿದ್ಯಾನಿಲಯಕ್ಕೆ ಅಪಾರ ಕೀರ್ತಿ ತಂದಿರುತಾರೆ.

ವಿಭಾಗದ ಉತ್ಕೃಷ್ಟ ಅಧ್ಯಾಪಕರ ವೃಂದ ವಿವಿಧ ಕೃಷಿ ಸಂಶೋಧನಾ ಸಮಿತಿಗಳಲ್ಲಿ, ಸಂಶೋಧನಾ ಯೋಜನೆ ಮತ್ತು ಸಂಶೋಧನಾ ದತ್ತಾಂಶ ವಿಶ್ಲೇಷಣೆಗಳಲ್ಲಿ, ವಿದ್ಯಾರ್ಥಿಗಳ ಪ್ರಾಯೋಗಿಕ ದತ್ತಾಂಶ ವಿಶ್ಲೇಷಣೆಗಳಲ್ಲಿ ತಮ್ಮ ಅನುಭವದ ಪರಿಣತಿಯನ್ನು ತೋರಿ ಕೃಷಿ ಯ ವೈಜ್ಞಾನಿಕ ಸಂಶೋಧನೆ ಮತ್ತು ಶಿಕ್ಷಣದಲ್ಲಿ ತಮ್ಮದೆ ಛಾಪನ್ನು ಮೂಡಿಸಿದ್ದಾರೆ ಹಾಗೆಯೆ ವಿದ್ಯಾರ್ಥಿಗಳಿಗೂ, ಸಂಶೋಧಕರಿಗೂ ಉಪಯುಕ್ತವಾದ ಸಂಖ್ಯಾಶಾಸ್ತ್ರ ತಂತ್ರಗಳ ಪರಿಕರಗಳು, ಬುಲೆಟಿನ್‌ಗಳನ್ನು, ಕರಪತ್ರಗಳನ್ನು ಹೊರತಂದಿದ್ದಾರೆ. ಅನೇಕ ಅಧ್ಯಾಪಕ ಸದಸ್ಯರು ವಿವಿಧ ಸಂಶೋಧನಾ ಯೋಜನೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ ಅವುಗಳೆಂದರೆ ಭಾರತೀಯ ಕೃಷಿ ಸಂಶೋಧನಾ ಮಂಡಳಿಯ NISAGENET ಮತ್ತು ಭಾರತ ಸರ್ಕಾರ, ಶಿಕ್ಷಣ ಸಚಿವಾಲಯ ಪ್ರಾಯೋಜಿತ, ಉನ್ನತ ಶಿಕ್ಷಣ ಇಲಾಖೆಯ AISHE.

ವಿಭಾಗದ ಸಂಶೋಧನಾ ಆದ್ಯತೆಯ ವಲಯಗಳಾಗಿ ಪ್ರಯೋಗಗಳ ವಿನ್ಯಾಸಗಳು ಮತ್ತು ವಿಶ್ಲೇಷಣೆ, ಸಂಖ್ಯಾಶಾಸ್ತ್ರೀಯ ಮಾದರಿ ಮತ್ತು ವಿಧಾನ, ಅಂಕಿಅಂಶಗಳ ತಳಿಶಾಸ್ತ್ರ ಮತ್ತು ಪರಿಸರ ವಿಜ್ಞಾನ, ಮಾದರಿಯ ಸಿದ್ಧಾಂತ ಮತ್ತು ಅನ್ವಯಗಳು, ಕೃಷಿ ಮತ್ತು ಸಂಬಂಧಿತ ಕ್ಷೇತ್ರಗಳಲ್ಲಿನ ಅಂಕಿಅಂಶಗಳ ಅನ್ವಯಗಳು, ಮಾದರಿ ಗುರುತಿಸುವಿಕೆ ಮತ್ತು ಕೃಷಿಯಲ್ಲಿ ಅದರ ಪ್ರಯೋಗ, ಸಾಫ್ಟ್ ಕಂಪ್ಯೂಟಿಂಗ್ ಮತ್ತು ಕೃಷಿಯಲ್ಲಿ ಅದರ ಪ್ರಯೋಗ, ಬಯೋಇನ್ಫರ್ಮ್ಯಾಟಿಕ್ಸ್ ಮತ್ತು ಕೃಷಿಯಲ್ಲಿ ಅದರ ಪ್ರಯೋಗ , ಕೃಷಿಯಲ್ಲಿ ಆರ್ ಎಸ್ ಮತ್ತು ಜಿಐಎಸ್ ನ ಪ್ರಯೋಗಗಳನ್ನು ಗುರುತಿಸಲಾಗಿದೆ.

It is hereby informed to all the students who have been passed out from the Department of Statistics, UAS, GKVK, Bangalore that , the Department is proposed to start the Alumni . In this connection all the Ex-students of the department are requested to contact the following teachers for further details.